O Goberno alerta: a cepa británica pode ser a predominante entre febreiro e marzo

O director do Centro de Coordinación de Alertas e Emerxencias Sanitarias, Fernando Simón, recoñeceu que a cepa británica do coronavirus pode se predominante en España a finais de febreiro ou principios de marzo.

Simón pronunciouse así na rolda de prensa posterior ao pleno do Consello Interterritorial do Sistema Nacional de Saúde (CISNS), presidido por primeira vez pola nova ministra de Sanidade, Carolina Darias, e ao que asistiu tamén en ministro de Política Territorial, Miguel Iceta.

PRESIÓN NAS UCI

Ademais, avisou de que a presión nas camas de Unidades de Coidados Intensivos (UCI) por pacientes Covid-19 vai seguir aumentando nos próximos días ou semanas, aínda que espera que a semana que vén a ocupación en camas hospitalarias comece a estabilizarse.

Na actualidade, hai 30.726 pacientes ingresados por Covid-19 en toda España e 4.608 nunha UCI, aínda que nas últimas 24 horas producíronse 3.506 ingresos e 3.409 altas. Ademais, na última semana 7.979 persoas ingresaron nun hospital como consecuencia da infección provocada polo contaxio do coronavirus e 637 nunha UCI. A taxa de ocupación de camas ocupadas por coronavirus sitúase no 24 por cento e na UCI no 42,84 por cento.

"Varias comunidades están por encima do 50 por cento no número camas UCI ocupadas por pacientes Covid-19", advertiu Simón, para sinalar que a mortalidade por coronavirus tamén vai seguir aumentando nos próximos días ata que non se controlen as estancias nas camas UCI.

Agora ben, o director do Centro de Coordinación de Alertas e Emerxencias Sanitarias comentou que se está reducindo levemente a incidencia acumulada en 14 días, a cal se sitúa actualmente en 889,93 casos por cada 100.000 habitantes, en comparación cos 899,93 notificado o mércores.