Por Europa Press / Redacción | SANTIAGO DE COMPOSTELA | 02/02/2021 | Actualizada ás 10:33
A Dirección Xeral de Emerxencias e Interior da Vicepresidencia da Xunta activou a alerta laranxa por choivas no suroeste da provincia da Coruña e nas Rías Baixas. Segundo informou a Xunta nun comunicado, a Axencia Estatal de Meteoroloxía (Aemet) avisa de que se esperan 80 litros por metro cadrado en 12 horas no suroeste da provincia da Coruña e nas Rías Baixas.
Mentres, no interior e na zona do Miño da provincia de Pontevedra, e no oeste da Coruña está activada a alerta amarela, por precipitacións que poden alcanzar 60 litros por metro cadrado en 12 horas.
Así mesmo, a Vicepresidencia da Xunta lembra que permanece activado un aviso amarelo por vento na Mariña luguesa con refachos que poden alcanzar os 90 quilómetros por hora. Por iso, a Xunta lembra a necesidade de extremar as precaucións, seguir as medidas de protección pertinentes e consultar a web do 112 Galicia --www.112galicia.org--.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.