O incendio dun camión na A-52 no seu paso por Riós obriga a cortar un carril
O condutor do camión incendiado resultou ileso. O corte non afecta á circulación xa que hai tres carrís.
Por E.P. | OURENSE | 02/02/2021 | Actualizada ás 15:24
O incendio dun camión que transporta cable eléctrico saldouse sen persoas feridas, pero provocou o corte dun do tres carrís da autovía A-52 ao seu paso polo municipio de Riós.
Segundo informaron fontes da Garda Civil, este incidente tivo lugar sobre as 14,30 horas deste martes á altura do quilómetro 152 da A-52 ao seu paso por Fumaces, en Ríos.
O condutor do camión incendiado de orixe romanesa resultou ileso, puntualizaron as mesmas fontes, que matizaron que este incendio "non afecta á circulación" xa que hai tres carrís na zona.
Ao lugar acudiron tres patrullas de motoristas do Destacamento de Tráfico de Verín, así como dúas dotacións de Bombeiros de Verín e persoal de mantemento, que cortou o carril dereito.
