Por E.P. | A CORUÑA | 03/02/2021 | Actualizada ás 18:14
A alcaldesa da Coruña, Inés Rey, convocou para o próximo 23 de febreiro á Xunta, Portos do Estado, Autoridade Portuaria, Deputación, Adif e Ministerio de Industria a unha reunión para abordar de forma conxunta a situación do porto.
"E buscar solucións de cara ao futuro de Punta Langosteira e dos terreos urbanos que pertencen a esta infraestrutura", sinala o consistorio coruñés.
Nun comunicado, a rexedora indica que esta reunión con todos os órganos competentes "é vital polas circunstancias económicas en que se atopa porto da Coruña".
Respecto á débeda contraída pola execución das obras de Langosteira, avanza que o Concello "seguirá reclamando escenarios financeiros para darlle unha saída xa que en 2021está previsto que se incrementen as amortizacións e os ingresos non serán suficientes ao reducirse o tráfico un 20%".
Rey afirma que "as diferentes administracións implicadas debemos realizar unha posta en común para debater entre todas as posibles opcións e constituírnos nunha entidade pública co obxectivo de xestionar os terreos do porto interior destinados á desafectación". Para iso, reclama un novo convenio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.