Por E.P. | SANTIAGO DE COMPOSTELA | 04/02/2021 | Actualizada ás 11:59
O presidente da Federación Galega do Comercio, José María Seijas, esixiu ao Goberno central "axudas directas" ao sector, á vez que pide aos concellos que eximan do pago do IBI (imposto de bens inmobles) a estes negocios.
Xustifica a petición "logo dun ano case pechados ou restrinxidos, coas vendas que caeron e un nadal que non tiveron os resultados que se esperaban". Ademais, antepuxo que "os gastos son moi superiores ás vendas que se fan" e isto provoca que "a xente o empece a pasar moi mal".
É por iso que reclama ao Executivo central que "haxa axudas directas" e que se suprima "a cláusula" dos ERTE pola que non se pode despedir ata pasados seis meses. Tamén propón que os municipios "eliminen o IBI" e que "se reconsidere o dos alugueres" dos locais comerciais "para non seguir con este goteo de peches".
José María Seijas estimou que "nestes momentos", e desde o inicio da pandemia, pecharon un "20 por cento" dos comercios a nivel nacional, porcentaxe que traslada ao ámbito galego e tamén ao local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.