Por E.P. | SANTIAGO DE COMPOSTELA | 05/02/2021 | Actualizada ás 12:33
As empresas poderán comunicar o cambio de modalidade nos seus expedientes de regulación temporal de emprego (ERTE) --de forza maior de impedimento ao de forza maior de limitacións da actividade e viceversa-- sen necesidade de tramitar un novo expediente desde este sábado.
O Diario Oficial de Galicia (DOG) publica este venres a orde que simplifica a comunicación, para evitar que teñan que cursar unha nova solicitude. A administración autonómica, como autoridade laboral competente na tramitación dos expedientes, busca facilitar que os empresarios con traballadores en ERTE poidan adaptar os seus expedientes a "as cambiantes medidas sanitarias", segundo destaca a propia Xunta.
O novo procedemento ponse a disposición dos interesados por medio da sede electrónica da Xunta e permitirá á autoridade laboral galega, resalta, "tramitar aínda con máis axilidade as súas peticións para dar traslado das mesmas ao Goberno do Estado, para que as execute e proceda aos pagos das prestacións".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.