Detido por segunda vez nunha semana en Ribeira por tráfico de drogas
Tras tramitarse as dilixencias policiais, o detido foi posto a disposición do Xulgado de Instrución número 3 de Ribeira, en funcións de garda.
Por E.P. | SANTIAGO DE COMPOSTELA | 05/02/2021 | Actualizada ás 16:44
Axentes da Policía Nacional adscritos á Comisaría de Ribeira detiveron, por segunda vez nunha semana, a un home de 33 anos, veciño deste municipio e con antecedentes por feitos similares, como presunto autor dun delito contra a saúde pública, na súa modalidade de tráfico de drogas, tras ser interceptado con 84 envoltorios con cocaína e 36 con heroína.
Segundo informou a Policía Nacional, no marco dun dispositivo establecido para a prevención do tráfico de drogas na localidade de Ribeira foi interceptado un vehículo conducido polo detido onde, no rexistro ao que foi sometido, foron localizados ocultos en diferentes habitáculos do mesmos 84 envoltorios termosellados, coñecidos como papelinas, de cocaína e 36 de heroína.
Así mesmo, intervéuselle ao detido un vehículo, un teléfono móbil e diñeiro en efectivo. Este home fora arrestado e posto a disposición xudicial a semana anterior en circunstancias similares e polo mesmo tipo de delito. Naquela ocasión portaba 120 papelinas de cocaína, 48 de heroína e un vehículo.
Tras tramitarse as dilixencias policiais, o detido foi posto a disposición do Xulgado de Instrución número 3 de Ribeira, en funcións de garda.
