Por Europa Press / Redacción | MADRID | 06/02/2021 | Actualizada ás 13:37
As primeiras doses da vacina de AstraZeneca contra o coronavirus chegarán a España na tarde deste sábado, segundo anunciou o Ministerio de Sanidade.
Esta vacina administrarase só a persoas con idades comprendidas entre os 18 e os 55 anos, segundo acordaron o Ministerio e as Comunidades Autónomas no seo da Comisión de Saúde Pública do Consello Interterritorial do Sistema Nacional de Saúde.
España segue así o ronsel doutros países europeos como Francia, Alemaña ou Bélxica que recomendaron o seu uso unicamente para menores de 65 anos por falta de evidencias sobre a súa efectividade, fronte a outros como Reino Unido que si que a inoculan en maiores desa idade.
A pasada semana, a Axencia Europea do Medicamento (EMA, polas súas siglas en inglés) recomendou autorizar a vacina desta farmacéutica para persoas adultas, tamén no caso dos maiores de 65 anos. En calquera caso, cada país decide sobre esta cuestión.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.