Por E.P. | SANTIAGO DE COMPOSTELA | 08/02/2021 | Actualizada ás 12:15
O Diario Oficial de Galicia (DOG) publicou este luns a resolución pola que a Xunta adxudica axudas por valor de 1,3 millóns de euros a 19 entidades para promocionar o viño de Galicia fóra da Unión Europea (UE). Segundo detallou a Consellería do Medio Rural, a convocatoria destas subvencións, que financia o Fondo Europeo Agrícola de Garantía (Feaga) de modo íntegro, foi lanzada en 2020 e permite apoiar accións e actividades de promoción para mostrar as características de viños con denominación de orixe ou indicación xeográfica protexida, entre outros.
En concreto, pódense levar a cabo distintas accións, como campañas publicitarias, misións comerciais, promocións en puntos de venda, catas, feiras, presentacións de produtos, xornadas e degustacións. Esta liña de axudas, resolta en menos dun mes, pode beneficiar a empresas vinícolas, organizacións e asociacións de produtores, órganos de xestión e representación de denominacións de orixe ou indicacións xeográficas protexidas e cooperativas que comercializan viños que elaboran estas ou os seus asociados.
Do mesmo xeito, poden acollerse a estas subvenciones asociacións sen ánimo de lucro do sector, organizacións profesionais e interprofesionais do mesmo e asociacións de produtores cuxos fins están centrados na promoción do viño.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.