A Coruña segue sendo a provincia con máis mortes pola covid

A Xunta comunica 17 novos falecementos, seis deles en residencias.

Por Galicia Confidencial | Compostela | 11/02/2021 | Actualizada ás 21:42

Comparte esta noticia

A covid volveu deixar 17 falecidos en Galicia e, como en xornadas anteriores, a maior parte deles, nove, na provincia da Coruña. Deste xeito, o número total de vítimas ascende xa a 2.056 desde que se iniciou a pandemia.

Persoal sanitario atendendo a un paciente con coronavirus nunha sala da UCI do hospital
Persoal sanitario atendendo a un paciente con coronavirus nunha sala da UCI do hospital | Fonte: médicos e enfermeiros

Segun informa o Sergas con datos recollidos de varios días ( 23 e 27 de xaneiro e 7, 10 e 11 de febreiro) faleceron na área sanitaria da Coruña e Santiago catro persoas, respectivamente, mentres que na de Ferrol morreu outra persoa. Na área de Vigo foron catro os mortos, na de Ourense tres e na de Lugo, un. Todos eles tiñan patoloxías previas e seis eran usuarios de residencias.

Este é o balance remitido polo Sergas:

Día 23 de xaneiro:
Muller de 88 anos, na Residencia Paz y Bien de Tui.

Día 27 de xaneiro:
Home de 83 anos, na Residencia Paz y Bien de Tui.

Día 7 de febreiro:
Home de 102 anos, na Residencia Nosa Sra. do Carme de Sarria.

Día 10 de febreiro:
Home de 83 anos, no Chuo.
Home de 73 anos, no Chuo.
Muller de 73 anos, no Chus.
Home de 87 anos, no Chuac.
Home de 78 anos, no Chuac.
Home de 87 anos, no Chuf.
Home de 88 anos, no Chus. Procedía da Residencia San Simón no Concello de Teo.
Home de 73 anos, no Chus.
Home de 87 anos, no Chuac.
Muller de 94 anos, na Residencia San Simón do Concello de Teo.

Día 11 de febreiro:
Home de 91 anos, no Chuo.
Home de 93 anos, no Chuvi.
Muller de 75 anos, na Residencia DomusVI Carballo.
Muller de 79 anos, no Chuvi.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta