Por E.P. | SANTIAGO DE COMPOSTELA | 14/02/2021 | Actualizada ás 19:06
A Consellería do Mar abre este luns o prazo de matrícula para os exames comúns para obter as titulacións de mariñeiro pescador, de patrón local de pesca e de patrón costeiro polivalente.
Segundo informa a Xunta, os interesados poderán inscribirse ata o 15 de marzo --inclusive-- e atoparán na web da Consellería do Mar a documentación precisa para facelo.
Os exames, tanto teóricos como prácticos, realizaranse nos seguintes centros: Instituto Politécnico Marítimo-Pesqueiro do Atlántico, Escola Oficial Náutico-Pesqueira de Ferrol e Escola Oficial Náutico-Pesqueira de Ribeira.
No caso da titulación de mariñeiro pescador, o exame teórico-práctico será o día 26 de abril neste tres centros formativos dependentes da Xunta. O mesmo ocorre coas titulacións de patrón local de pesca (sección máquinas), cuxa proba será o 27, e as de patrón local de pesca (sección ponte e común), co exame o 28.
Por último, as probas para patrón costeiro polivalente (sección máquinas) serán o 29 e 30 de abril, mentres que as de patrón costeiro polivalente (sección ponte) terán lugar o 3 e 4 de maio.
Unha vez finalizado o prazo de solicitude de inscrición o 15 de marzo, a Consellería fará público a listaxe provisional de aspirantes admitidos e excluídos na súa páxina web e nos taboleiros de anuncios de cada centro oficial, tras o cuzal abrirase un prazo de 10 días hábiles para que os excluídos poidan resolver deficiencias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.