Os sindicatos solicitan a convocatoria urxente da mesa sectorial para abordar o proceso de OPE en plena pandemia

Os sindicatos de profesorado solicitaron á Consellería de Cultura, Educación e Universidade a convocatoria urxente da mesa sectorial para abordar a celebración dos procesos selectivos correspondentes á OPE de 2020.

No escrito presentado por CIG-Ensino, CCOO-Ensino, ANPE e FeSP-UXT, os representantes docentes advirten da "incerteza" creada pola pandemia sanitaria da COVID-19 e a proximidade da celebración dos exames.

As organizacións de profesorado instan a "negociar e clarificar" todas as medidas sanitarias e organizativas para asegurar o "correcto desenvolvemento" do proceso, e contar con directrices "con suficiente tempo de antelación".

Protesta do profesorado interino | Fonte: profesorprecario.wordpress.com