Por Jessica Fernández | SANTIAGO DE COMPOSTELA | 17/02/2021 | Actualizada ás 09:00
Executivas de Galicia presenta os 'Meet Up Referentes Galegas', un espazo de encontro online e de comunicación con mulleres que son referentes galegas de diferentes sectores que celebrarase o terceiro mércores de cada mes.
Con esta actividade, Executivas busca crear un espazo aberto de conversa, un lugar no que se produza o intercambio de ideas, pero tamén un espazo de reflexión no que as 'Referentes' sexan o fío condutor de temas de actualidade.
En cada 'Meet Up Referentes Galegas', as protagonistas explicarán as oportunidades que orixinou a Covid-19 no seu sector. Os primeiros 30 minutos serán de exposición do tema de debate e este dará paso á conversa ou pequeno debate, que incluirá preguntas ou propostas das participantes. "Trátase de aprender de novas situacións, novas oportunidades e que sirvan de exemplo para outras persoas", defenden dende o colectivo.
PRIMEIRO ENCONTRO
O vindeiro mércores 17 de febreiro ás 19.00 horas celebrarase o primeiro encontro baixo o título 'Avances na investigación, desenvolvemento e innovación científica'. Contará coa presencia de tres científicas internacionais e que forman parte do programa Referentes Galegas: África González, Mónica Cartelle e Sonia Villapol.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.