A Xunta investirá só 400.000 en axudas á prevención de incendios e catástrofes en 2021
Un diñeiro que septuplicará en 2022 con 3,6 millóns. A Xunta xustifica que se debe a "as datas de plantación e de limpezas".
Por Europa Press / Redacción | Lugo | 16/02/2021 | Actualizada ás 13:51
A Xunta de Galicia investirá 4000.000 euros este 2021 en axudas para a prevención dos danos causados aos bosques por incendios, desastres naturais e catástrofes en montes veciñais en man común e en Sociedades de Fomento Forestal (Sofor). En 2022 serán outros 3,6 millóns.
Sobre esta disparidade de cifras, fontes da Consellería do Medio Rural consultadas por Europa Press xustificaron que se debe a "as datas de plantación e de limpezas". As subvencións, publicadas este martes no Diario Oficial de Galicia (DOG), están cofinanciadas polo Fondo Europeo Agrícola de Desenvolvemento Rural (FEADER). As solicitudes presentaranse obrigatoriamente por vía electrónica no prazo dun mes a contar desde este mércores.
Nun comunicado, a Consellería explicou que estas axudas "contribúen a minorar as consecuencias e os impactos negativos que os incendios forestais poden provocar sobre a capacidade potencial de desenvolvemento e produción dos montes e, en conxunto, sobre a fauna, a flora e a paisaxe de Galicia".
