Por X.M. Fernández | O Barco de Valdeorras | 18/02/2021 | Actualizada ás 09:30
Xa está en quioscos e librarías a edición do 2021 do monográfico “Entroido en Galicia. Sen festas nas rúas”, que edita o Periódico O Sil.
Trátase dunha revista a toda cor de case 150 páxinas para achegarse, neste Entroido interrompido polo Covid-19, ás principais referencias desta tradición na provincia de Ourense, tanto no ámbito rural como no urbano, así como a algunhas das manifestacións entroideiras máis senlleiras do resto de Galicia e doutras zonas próximas como Castela e León e o nordeste de Portugal.
Entre os seus diversos contidos inclúe estampas, amplas reportaxes, información do Entroido nos diferentes concellos, entrevistas a expertos e aos artífices da festa, artigos de opinión, etc. Dende o equipo de redacción queren salientar que “o 2021 será un ano para ser responsables e vivir a festa dende as casas, para reflexionar e darnos máis conta do gran valor que temos nas nosas aldeas e vilas e, polo tanto, poder desfrutalo mellor e con máis coñecemento cando se poida celebrar, esperando que sexa o antes posible”.
Para os interesados e interesadas en ter este exemplar de coleccionistas ao prezo de 6 euros, comentar que está á venda en diferentes librerías e quioscos do oriente ourensán e algunhas de concellos do sur de Lugo como Quiroga.
DIFERENTES PUNTOS DE VENDA
OURENSE:Librería Citania, rúa Ramón Puga Nº 1– Tlf: 988 238 985
Kiosco Marcos, rúa Bedoya Nº 2 – Tlf: 988 608147
VERÍN: Librería AZ, rúa Laureano Peláez S/N (Esq. Montemayor) – Tlf: 988 590 371
XINZO DE LIMIA: Librería Galaica, Avenida de Ourense Nº 11 – Tlf: 988 460 355
LAZA: Estanco, rúa Barrio Nº 30 – Tlf: 988 422 128
SANTIAGO DE COMPOSTELA: Quiosco San Roque, rúa San Roque Nº 24 – 982 271 601- Quiosco Concheiros, rúa dos Concheiros Nº 39 -Tlf: 981 562 692
PONTEVEDRA: Librería Paz, rúa Peregrina Nº 29 – Tlf: 986 860 471
BUEU: Librería Miranda, rúa Pazos Fontenla Nº 35 – Tlf: 986 320 504
VIGO: Librería Librouro, rúa Eduardo Iglesias Nº 12 – Tlf: 986 226 317
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.