Aparece unha loba morta cun tiro na Mezquita en plena ofensiva da Xunta contra a prohibición da súa caza
Os Axentes medioambientais da Xunta investigan xa o acontecido xa que apareceu xunto ao corpo dun xabaril que puido ser utilizado de cebo.
Por Galicia Confidencial | A Mezquita | 17/02/2021 | Actualizada ás 16:44
Unha loba apareceu morta nas últimas horas na Mezquita. O corpo presentaba un impacto de bala tal e como informan os axentes ambientais da Xunta que xa abriron unha investigación para esclarecer o acontecido.
O cadáver do animal atopábase xunto ao dun xabaril que, supostamente, utilizouse como cebo. Abriuse unha investigación para dar co culpable.
Recentemente abriuse outra investigación para aclarar se a morte doutra femia na Estrada. Neste caso deuse co autor, un cazador que participara nuha batida do xabaril.
Esta morte ten lugar tras o anuncio do Goberno central de prohibir a caza deste animal e a posición absolutamente en contra da Xunta de Galicia e doutras auonomías do norte peninsular contra esta medida.
