Por Europa Press / Redacción | SANTIAGO DE COMPOSTELA | 22/02/2021 | Actualizada ás 11:27
A Xunta volveu a pospor, agora ata este martes, a liña dotada de 15 millóns de euros coa que completará o segundo plan de rescate a autónomos e microempresas ante a crise da covid, esta última centrada en concreto no sector da hostalaría.
Os primeiros 60 millóns de euros foron activados o xoves da semana pasada e a Administración autonómica apelou a razóns de operatividade para explicar que os 15 millóns restantes se activarían este luns.
Finalmente, segundo fontes da Consellería de Emprego consultadas por Europa Press, esta última liña do plan de rescate será publicada este martes no Diario Oficial de Galicia (DOG), por motivos técnicos, "para compasar mellor a entrada de solicitudes".
Respecto diso, nunha entrevista con Europa Press, a titular do departamento autonómico, María Jesús Lorenzana, aludiu á "avalancha" de peticións destas axudas para xustificar o atraso.
TERRAZAS
O que si publica este luns o DOG é unha resolución que modifica outra de novembro sobre as axudas para instalación, reforma e adaptación das terrazas dos establecementos de hostalaría e restauración e a adquisición de elementos de envasado e empaquetado para o servizo de consumo no domicilio.
Estas axudas están cofinanciadas polo Fondo Europeo de Desenvolvemento Rexional, e procédese á súa convocatoria en réxime de concorrencia competitiva para o ano 2021.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.