A xente segue saltando as restricións: 600 sancións postas durante a fin de semana

A Garda Civil e a Policía Nacional realizaron en Galicia un total de 1.604 dispositivos de control que alcanzaron a 21.046 persoas e 14.748 vehículos desde o venres ata o domingo, segundo informa a Delegación do Goberno en Galicia.

Nestes operativos, que velan polo cumprimento das restricións sanitarias impostas pola Xunta de Galicia, participaron un total de 2.633 axentes das Forzas e Corpos de Seguridade do Estado que elevaron un total de 573 propostas de sanción sen detencións.

Durante o fin de semana, a Policía Nacional efectuou en Galicia 136 controis nos que foron identificadas 4.081 persoas e que contaron coa participación de 459 efectivos. En total, foron controlados 2.794 vehículos e expuxéronse 134 propostas de sanción.

Pola súa banda, a Garda Civil despregou 1.468 dispositivos, nos que participaron 2.174 axentes que identificaron a 16.965 persoas e controlaron 11.954 vehículos. En total, formulou durante este tres xornadas 439 propostas de sanción.

Control da Garda Civil na AP-9 en Fene para velar polo cumprimento das medidas para frear a Covid-19.. GARDA CIVIL | Fonte: Europa Press