Por E.P. | SANTIAGO DE COMPOSTELA | 22/02/2021 | Actualizada ás 18:05
O Partido Popular de Galicia presentará mocións en todos os municipios e no catro deputacións galegas para pedir ao resto de forzas que se somen á súa petición para que o Goberno do Estado baixe as peaxes da autoestrada AP-9.
Así o avanzou nun comunicado remitido aos medios o deputado autonómico Diego Calvo, quen explicou que na moción esixirán que todos os gobernos locais e provinciais se sumene á demanda que os populares xa trasladaron ao Executivo central para que poña en marcha un sistema de bonificacións dirixido aos usuarios da AP-9.
O texto tamén recolle a reclamación para deixar sen efecto as novas subidas extraordinarias previstas para financiar as obras de ampliación da autoestrada e esixe a convocatoria da comisión conxunta da AP-9 para abordar coa Xunta o modelo de bonificacións. Ademais, pide avanzar na transferencia a Galicia da titularidade da autoestrada con todos os recursos necesarios para acometer as obras pendentes e para a súa adecuada xestión.
Os populares lembran que a autoestrada AP-9 é unha infraestrutura "básica e vital", de "dinamización económica e social da comunidade autónoma. "Falamos dun eixo vertebrador que percorre a xeografía galega de norte a sur, na súa franxa atlántica, na que se concentra ao redor do 60 por cento da poboación, e que conecta cinco das grandes cidades galegas", sinalou Diego Calvo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.