Galicia posiciónase como a segunda autonomía con máis ingresados en UCI durante a última semana
O total de pacientes covid hospitalizados en Galicia é de 666, cunha ocupación do 8%, por baixo do 12% de España. Deles, 161 están en UCI, cunha ocupación do 20,6% (no país son o 33%), segundo datos do Ministerio.
Por E.P. | SANTIAGO DE COMPOSTELA | 22/02/2021 | Actualizada ás 20:24
Galicia rexistrou un total de 43 ingresados en UCI polo coronavirus na última semana, segundo os datos que publica este luns o Ministerio de Sanidade. Esta cifra é a segunda maior entre comunidades, só superada Madrid, con 78 pacientes que ingresaron en UCI no últimos sete días.
Pola súa banda, un total de 264 persoas foron hospitalizados por coronavirus en Galicia na última semana --esta cifra inclúe tamén os de UCI--. Neste caso, é o terceiro dato máis elevado, por detrás de Madrid (663) e Andalucía (586).
O total de pacientes covid hospitalizados en Galicia é de 666, cunha ocupación do 8%, por baixo do 12% de España. Deles, 161 están en UCI, cunha ocupación do 20,6% (no país son o 33%), segundo datos do Ministerio.
Noutra orde de cousas, en Galicia fixéronse 89.759 probas diagnósticas entre o 12 e o 18 de febreiro, o que se traduce nun 5% máis que a semana anterior, maior aumento entre comunidades. A taxa de probas é de 702,62 por 100.000 habitantes, por encima da media (do 687,91).
