Por E.P. | OURENSE | 23/02/2021 | Actualizada ás 15:20
O home detido o pasado venres polo apuñalamento mortal dun mozo de 22 anos e ferir de gravidade ao mozo parella desta en Ourense foi traslado a un centro hospitalario para "estabilizalo e valoración psiquiátrica".
Así o confirmaron fontes xudiciais, que concretaron que o arrestado, para o que o xulgado decretou prisión provisional a semana pasada, foi levado á unidade de agudos dun hospital. Con este traslado, aclararon as mesmas fontes xudiciais, preténdese "estabilizalo" e realizar "valoración psiquiátrica", sempre "mantendo a prisión provisional", puntualizaron as mesmas fontes.
FEITOS
O Xulgado de Instrución número 2 de Ourense, en funcións de garda, decretou o pasado sábado prisión provisional por un delito de homicidio consumado e outro en grao de tentativa para este home detido o venres 19 de febreiro por matar a puñaladas a unha moza de 22 anos e ferir de gravidade á súa parella.
En concreto, o home pasou a disposición xudicial ao mediodía do sábado e, tras tomarlle declaración, o xuíz ordenou o seu ingreso en prisión provisional comunicada e sen fianza por dous delitos de homicidio, un consumado e outro en grao de tentativa.
Os feitos ocorreron na madrugada do pasado venres. Axentes de seguridade cidadá acudiron sobre as 5,00 horas a unha chamada de socorro na que afirmaban que unha persoa fora apuñalada na zona de Velle.
Á chegada, localizaron o corpo sen vida dunha muller de 22 anos e o dun home de 25 que permanecía con vida e que foi trasladado, grave, en ambulancia ao Complexo Hospitalario Universitario de Ourense (CHUO).
Os axentes desprazados localizaron ao presunto autor dos feitos no seu domicilio. Segundo contaron, o apresado é "veciño e familiar das vítimas". Tras o rexistro pertinente, recuperouse, ademais, a arma branca supostamente utilizada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.