O Bispado de Ourense cancela as procesións de Semana Santa

O Bispado de Ourense cancelou as procesións de Semana Santa e os actos ou manifestacións de culto na vía pública ante o nivel de incidencia da pandemia da covid-19.

Explica que as celebracións litúrxicas de Semana Santa se desenvolverán nos templos, cumprindo as limitacións de capacidade vixentes e todas as medidas de seguridade.

O Bispado convidou a todos os fieis a participar "de modo consciente, fructuoso e activo" nas celebracións litúrxicas.