O estudantado universitario volve ás aulas logo de case un mes de aulas telemáticas
O Sergas citou a máis de 58.000 alumnos a un cribado entre o sábado e o xoves
Por Europa Press / Redacción | SANTIAGO DE COMPOSTELA | 01/03/2021 | Actualizada ás 10:16
As universidades galegas retoman as aulas presenciais a partir deste luns tras un período de actividade totalmente telemática, debido ás restricións impostas polo Goberno galego a finais de xaneiro para tentar paliar as malas cifras rexistradas na terceira onda da covid-19.
A Xunta tomou esta decisión a finais de xaneiro como parte dun plan medidas e restricións para conter a mobilidade da poboación, neste caso dos estudantes, e así pór freo aos contaxios e ao incremento exponencial de casos activos.
A experiencia telemática iniciouse aínda o 8 de febreiro, coincidindo co segundo cuadrimestre nas universidades, debido a que ata ese momento non se estaban celebrando aulas pola celebración dos exames nas facultades. Este período totalmente telemático estenderíase, polo menos, ata o 17 de febreiro e o comité clínico celebrado o luns 15 decidiu levantar as restricións nestas institucións.
AULAS SEGURAS
As tres universidades galegas manifestaron, en todo momento, que tiñan todo preparado para retomar as aulas e a actividade presencial e os reitores defenderon as institucións como un espazo seguro.
O reitor da Universidade de Santiago (USC), Antonio López, trasladara a Europa Press que "todos os datos" primeiro cuadrimestre "demostran que non hai un problema de contaxios dentro dos espazos universitarios" e que os protocolos asumidos neste ámbito "funcionaron moi ben".
"A sensación, baseada en datos, é que é a universidade é un lugar seguro. Non hai brotes. Cada vez que aparece un caso, que evidentemente aparecen, moi por baixo da media da sociedade en todos os sectores, incluído o alumnado", defendeu, pola súa banda, o seu homólogo vigués, Manuel Reigosa.
