Trece positivos por COVID en Marín detectados por cribados durante un test de saliva
Tanto aos 13 positivos por Covid detectados nos cribados de Marín como a outros 53 casos aos que non se lles puido procesar a mostra, vanse citar de novo para realizar unha PCR co fin de confirmar resultados.
Por Europa Press / Redacción | SANTIAGO DE COMPOSTELA | 01/03/2021 | Actualizada ás 15:39
Os cribados poboacionais con test de saliva realizados durante a semana pasada no municipio de Marín pola área Sanitaria de Pontevedra e O Salnés detectaron 13 positivos por Covid-19.
Así o informou a área sanitaria pontevedresa, que explicou que este cribado voluntario tivo lugar nun punto específico habilitado no aparcadoiro da Escola Naval e o Porto marinense entre o pasado martes 23 de febreiro e o sábado 27.
Esta iniciativa preventiva convocou a poboación de Marín de entre 30 e 65 anos de idade con cartón sanitario activa nos centros de saúde deste municipio, colectivo que representa a 12.763 persoas. Segundo os datos facilitados pola área sanitaria, achegáronse a efectuar o cribado 8.538 cidadáns, cifra que representa un 67 por cento da convocatoria voluntaria.
Tanto aos 13 positivos por Covid detectados nos cribados de Marín como a outros 53 casos aos que non lles puideron procesar a mostra --por volume insuficiente, por viscosidade excesiva ou por ser mostras sen rexistro-- vanse citar de novo para realizar unha PCR co fin de confirmar resultados.
