Reabertos dous pasos fronteirizos só por determinadas horas entre Galicia e Portugal

Trátase dos pasos en Lobios e na Mezquita na provincia de Ourense

Por Europa Press / Redacción | SANTIAGO DE COMPOSTELA | 02/03/2021 | Actualizada ás 10:13

Comparte esta noticia

Na mañá deste martes restableceuse a circulación en dous pasos situados nos municipios ourensáns de Lobios (paso fronteirizo da Madalena-Ponte da Barca) e A Mezquita (paso fronteirizo de Manzalvos-Moimenta), que permaneceran pechados debido á situación pola Covid-19.

Así o informou a Delegación do Goberno en Galicia en relación á reapertura de dous novos pasos fronteirizos entre Galicia e Portugal. En ambos os puntos a circulación estará permitida de luns a venres en horario de 7,00 a 10,00 e de 18,00 a 21,00 horas.

"España e Portugal acordaron de maneira coordinada prorrogar os controis restablecidos temporalmente na fronteira interior terrestre entre ambos os países a partir desta madrugada, unha medida que ten como obxectivo facer fronte á situación de crise sanitaria ocasionada pola Covid-19", explicou a Delegación do Goberno nun comunicado.

A prórroga destes controis establécese nunha orde asinada polo ministro do Interior, Fernando Grande-Marlaska, publicada o pasado venres, 26 de febreiro, no Boletín Oficial do Estado.

O texto sinala que esta medida se manterá ata as 1,00 horas do 16 de marzo. Así mesmo, establécese que "as entradas e saídas do territorio español só poderán realizarse polos pasos autorizados e durante os horarios que se establezan".

Os pasos fronteirizos autorizados en Galicia, establecidos de común acordo coas autoridades portuguesas sitúanse, por unha banda os abertos as 24 horas do día todos os días da semana, en Tui-Valença e Verín-Vila Verde da Raia.

Mentres, os pasos abertos de luns a venres de 7,00 a 10,00 e de 18,00 a 21,00 horas (hora española), están en Salvaterra do Miño-Monçao, Arbo-Melgaço, Baltar-Montealegre, A Madalena-Ponte da Barca e Manzalvos-Moimenta.

Fronteira da Ponte Internacional Tui-Valença cortada ao paso, en Pontevedra / Marta Vázquez Rodríguez - Europa Press. / Europa Press
Fronteira da Ponte Internacional Tui-Valença cortada ao paso, en Pontevedra / Marta Vázquez Rodríguez - Europa Press. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta