Por E.P. | SANTIAGO DE COMPOSTELA | 02/03/2021 | Actualizada ás 13:24
O conselleiro de Cultura, Educación e Universidade, Román Rodríguez, e a titular do Mar, Rosa Quintana, comparecerán no próximo pleno da Cámara galega que terá lugar os próximos días 9 e 10 de marzo.
Na sesión, que arrincará un día despois da celebración do Día Internacional da Muller, o presidente da Xunta, Alberto Núñez Feijóo, responderá a preguntas da líder do BNG, Ana Pontón, sobre igualdade. Pola súa banda, o secretario xeral do PsdeG, Gonzalo Caballero, interpelará a Feijóo sobre a súa petición de reunión para abordar a reactivación económica.
Así o acordaron este martes os grupos parlamentarios na reunión da Xunta de Portavoces, encontro no que se marcou a orde do día deste pleno que, de forma excepcional, arrincará ás 10,00 horas do martes coa sesión de control ao presidente da Xunta. Habitualmente este debate ten lugar os mércores pero, nesta ocasión, nesta xornada está previsto que Feijóo se reúna co ministro de Transportes, Mobilidade e Axenda Urbana, José Luís Ábalos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.