Por Galicia Confidencial | Lalín | 23/08/2013 | Actualizada ás 12:00
A Sociedade de Caza de Dozón organízase este domingo nunha cuadrilla para abater corzos, porcos bravos e tres máis nunha batida de raposo.
O pasado domingo xa se celebraron cazarías de raposo e xabarín, aínda que os cazadores estiman que a poboación deste baixou moito nos últimos tempos, porque o ano pasado sobraron máis de 100 dos 140 precintos dispoñibles.
En Agolada, o pasado fin de semana celebrouse tamén unha batida contra o xabarin e outra contra o raposo. Este fin de semana, tamén organizarán novas batidas contra o porco bravo, o corzo e o raposo.
Cacerías contra o lobo
Os cazadores da comarca tampouco descartan realizar unha gran cacería contra o lobo xa que denuncian que está a causar estragos. No que vai de ano, Agolada e Rodeiro son os dous concellos con máis ataques de lobo ao gando.
Pero este tipo de cacerías, a diferencia doutros animais, están moi reguladas e a Xunta só as permite de forma excepcional cando a súa poboación aumentou. Sen embargo, os cazadores denuncian que o seu número medrou e mesmo chegaron a matar e devorar cans de caza.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.