Por E.P. | SANTIAGO DE COMPOSTELA | 06/03/2021 | Actualizada ás 10:30
A Consellería do Medio Rural publica no Diario Oficial de Galicia (DOG) a convocatoria de axudas á nova participación de agricultores e gandeiros en réximes de calidade, para o que destina un orzamento total de 200.000 euros.
Segundo informou a Xunta, poderán beneficiarse destas axudas os titulares de explotacións agropecuarias que se incorporasen a un determinado indicativo de calidade despois do 18 de novembro de 2015 e que sexan agricultores en activo. Ademais, poderán recibir a axuda aqueles produtores ecolóxicos que xa tivesen actividade e que incorporen agora algunha nova orientación produtiva.
Na convocatoria priorizaranse as solicitudes de agricultores que se incorporen por primeira vez ao réxime da agricultura ecolóxica ou a novas orientacións produtivas nese réxime de calidade. E tamén terán prioridade aqueles produtores que se incorporen por primeira vez a denominacións de orixe ou indicacións xeográficas protexidas rexistradas nos últimos anos, os mozos, as mulleres e os titulares de explotacións situadas en zonas de montaña.
Estas axudas, que poderán solicitarse desde este sábado ata o 18 de maio, poderán subvencionar os custos fixos ocasionados pola cota anual ou a inscrición nun réxime de calidade imputados á campaña desde maio de 2020 ata abril de 2021, ata un límite de 3.000 euros anuais por explotación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.