O colexio de xornalistas e o colectivo Xornalistas Galegas advirten "retroceso nos dereitos das mulleres"

Reivindican "xornalismo e ciencia con honestidade para a igualdade" e a perspectiva feminista nos contidos "para visibilizar".

Por E.P. | SANTIAGO DE COMPOSTELA | 08/03/2021 | Actualizada ás 19:35

Comparte esta noticia

O colexio profesional de xornalistas de Galicia reivindica "xornalismo e ciencia con honestidade para a igualdade", mentres o colectivo Xornalistas Galegas reclama a perspectiva feminista nos contidos "para visibilizar accións en favor da igualdade" este 8 de marzo.

No seu manifesto polo 8 de marzo, día internacional da muller, o Colexio Profesional de Xornalistas de Galicia resalta que a covid elevou a ciencia "á primeira plana". "Fronte a imaxes idealizadas, tomamos conciencia de que a práctica científica non é allea a rumbos e prexuízos de diversa índole", advirte, antes de lamentar tamén "diversas formas de discriminación por motivos de xénero".

Respecto diso, lembra que fai "pouco máis dun século" que as mulleres españolas deixaron de pedir permiso ao estado para acceder á universidade e hoxe son "maioría" nas aulas. "Pero a súa visibilidade e recoñecemento, no ámbito académico e no mediático, é moi inferior", denuncia.

A pandemia, engade o colexio, "non só non corrixiu esta infrarrepresentación senón que a agravou". Ante isto, subliña que "a boa ciencia, como o bo xornalismo, gana coa diversidade das voces que a constrúen". "Ignorar e minusvalorar as achegas" das mulleres é "unha perda de coñecemento imperdoable e unha forma de discriminación sexista", conclúe.

XORNALISTAS

Na mesma liña, Xornalistas Galegas chama aos medios de comunicación a "incidir no agravamento da desigualdade de xénero debido á pandemia".

O colectivo, que reivindica a perspectiva feminista nos contidos para "afastar os discursos discrimininatorios", recompila baixo a etiqueta #8MmaliaACovid publicacións sobre "o retroceso nos dereitos das mulleres".

Xornalistas Galegas, na manifestación do 8M de 2020, Día Internacional da Muller
Xornalistas Galegas, na manifestación do 8M de 2020, Día Internacional da Muller | Fonte: xornalistasgalegas.org.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta