Por Europa Press / Redacción | SANTIAGO DE COMPOSTELA | 09/03/2021 | Actualizada ás 13:34
Unha guía para elaborar plans e unha ferramenta de autodiagnóstico para avanzar na implantación da igualdade no ámbito das empresas son dúas dos recursos presentados pola conselleira de Emprego e Igualdade, María Jesús Lorenzana, este martes, un día despois da celebración do 8 de marzo.
Ambos os recursos, xunto a outra información, están dispoñibles na web aigualdadelaboral.gal, que é o terceiro dos instrumentos que deu a coñecer a conselleira como "fundamentais" dentro de "a aposta" do Goberno de Alberto Núñez Feijóo en materia de igualdade laboral. Consciente de que as tecnoloxías da información e a comunicación (TIC) son "fundamentais" e "máxime no momento" actual, debido á pandemia da covid, a Xunta destinou 90.000 euros á realización deste tres actuacións.
O portal centralizará nunha páxina a información destinada a empresas e traballadores "e á sociedade en xeral", co obxectivo de ofrecer un "coñecemento máis amplo de todas as novidades", incluída normativa, exemplos de boas prácticas, medidas de conciliación e outras noticias. Mentres, a guía para os plans de igualdade permite ás compañías recibir información detallada sobre como elaboralos, cun carácter "informativo e orientativo".
En terceiro lugar, a ferramenta web de autodiagnóstico en materia de igualdade laboral é, segundo Lorenzana, "absolutamente innovadora", e pretende fomentar a implantación dos plans no tecido empresarial galego. "Accesible, gratis, moderna, de calidade", busca que os responsables das empresas avalíen de forma periódica o seu nivel de igualdade e achega recomendacións para mellorar neste campo.
AUTODIAGNÓSTICO
Xunto á titular de Emprego e Igualdade, a directora xeral de Relacións Laborais, Elena Mancha, explicou que a ferramenta de autodiagnóstico funciona a través dun cuestionario que ten en conta unha serie de items, en catro fases, en cada unha das cales determina unha serie de medidas en función das respostas. Son, segundo expuxo, medidas de corresponsabilidade, de igualdade na selección do persoal, na promoción, en materia de flexibilidade horaria e relativas a acordos de teletrabajo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.