Por E.P. | Santiago de Compostela | 09/03/2021 | Actualizada ás 18:21
A Universidade de Santiago de Compostela (USC), a través dun manifesto da Rede de Unidades de Igualdade de Xénero dás Universidades Españolas para a Excelencia Universitaria, denuncia a "feminización" da pobreza durante a actual crise derivada da pandemia.
"Aínda que esta situación está a ser dura para toda a sociedade, a crise, como é habitual, está a afectar especialmente ás mulleres", lamenta a USC con motivo da celebración do 8 de marzo.
A vicerreitora de Igualdade, Cultura e Servizos da USC, Mar Lorenzo Moledo, deu lectura este martes deste manifesto, nun acto que se celebrou o día seguinte ao 8 de marzo para respectar as manifestacións feministas.
O acto, que estivo presidido polo reitor da USC, Antonio López, tivo lugar no Paraninfo da da Facultade de Xeografía e Historia.
Así, déixase patente a "maior exposición das mulleres debido ao rol de coidadoras, a maior vulnerabilidade en situacións de violencia de xénero e de abuso infantil, e os crecentes problemas relacionados coa conciliación e a corresponsabilidade".
Así mesmo, o escrito subliña "o papel fundamental das universidades en materia de igualdade, o seu potencial transformador para o futuro e a investigación como base das políticas públicas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.