Veciños de Carral rexistra un escrito pedindo o peche de catro granxas peleteiras do municipio
Por E.P. | A CORUÑA | 10/03/2021 | Actualizada ás 19:48
Un centenar de veciños de Carral rexistraron un escrito reclamando o peche das catro granxas de visón americano situadas no termo municipal "e denunciando as molestias que levan sufrindo durante anos", informa a Fundación Franz Weber.
As persoas asinantes detallan "problemas como pragas de moscas que dificultan a vida diaria, malos cheiros ou fugas dos visóns da granxa, que ocasionan danos ao mobiliario e chegaron a matar animais domésticos", sinalan sobre os residentes en lugares próximos ás mesmas.
Ademais, engade a Fundación, alertan sobre o feito de que "máis de 400 granxas de visóns foron infectadas por COVID-19 en 11 países".
A petición vai acompañada do apoio da Fundación Franz Weber e a ONG 'O teu Abrigo, A súa Vida', que destacan a prohibición desta industria en 11 países da Unión Europea.
