Por Europa Press / Redacción | Santiago de Compostela | 16/03/2021 | Actualizada ás 14:05
Os contaxios de covid-19 nas residencias de maiores de Galicia volvéronse reducir ata os 47, tras dúas altas, dos que 45 corresponde a usuarios e dous a traballadores.
Segundo os datos actualizados este martes polas consellerías de Política Social e Sanidade, non se rexistraron novos positivos e saíron da lista por negativizar dous usuarios da residencia Mi Casa Ferrol, que queda sen contaxios.
Así, o centro con máis casos entre os usuarios é a Residencia Coviastec de Silleda cun gromo de 33 positivos; mentres que o da Residencia Santa Mariña de Xinzo de Limia mantense en 10; e con dous segue a DomusVi Laraxe de Cabanas.
Pola súa banda, os traballadores contaxiados destes centros mantéñense en dous, un na Residencia de Maiores de Caranza e outro na Residencia Coviastec de Silleda.
En canto aos centros de discapacidade seguen sen presentar ningún caso entre os seus usuarios nin entre os seus traballadores.
INFORME
A Xunta prevé que o consello asesor para a reforma do sistema residencial galego complete antes de que finalice o primeiro semestre do ano o "diagnóstico" da situación dos centros de maiores en aras de localizar "fraquezas", "fortalezas" e definir "propostas de mellora".
Avanzouno a conselleira de Política Social, Fabiola García, ao comezo este martes da última reunión do consello asesor sociosanitario, configurado Hai tres meses para "seguir avanzando" no sistema residencial galego.
A titular do departamento autonómico fixou como "primeiro fito" para este órgano a conclusión este semestre da radiografía do sistema de residencias como paso previo a acometer a súa reformulación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.