Por E.P. | SANTIAGO DE COMPOSTELA | 17/03/2021 | Actualizada ás 19:44
UGT cargou contra o plan de contixencia do Servizo Galego de Saúde que, a xuízo do sindicato, "o único para o que serve é para propiciar o descontento das persoas traballadoras creando desigualdade á hora de gozar da compensación dos chamados días covid".
Así o denuncia o sindicato nun comunicado remitido aos medios este mércores no que acusa ao Sergas de "impor criterios restritivos" nas compensacións aos traballadores durante a pandemia.
UGT censura que queden fóra do plan de contixencia persoal de servizos que "atenden a todo tipo de usuarios" pero "non son considerados de primeira liña", como os traballadores de atención primaria, odontoloxía, centros ou diáleses.
Por iso, o sindicato demanda ao Sergas que compense "a todos os profesionais por igual" pois reivindican que a loita contra a covid-19 "é cousa de todos". "Non é momento de cicaterías nin de crear desigualdade entre as persoas traballadoras do Sergas", pecha a comunicado UGT.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.