Por E.P. | SANTIAGO DE COMPOSTELA | 18/03/2021 | Actualizada ás 11:35
Novo cambio na dirección das ordes da Consellería de Sanidade. A nova orde de medidas e restricións contra a pandemia --que entra en vigor este venres en Galicia-- inclúe a posibilidade de visitar ás persoas ingresadas na UCI non covid, unha circunstancia que ata hai poucos días estaba prohibida polo organismo comandado por Julio García Comesaña.
En concreto, a nova orde, que lembra as necesarias medidas de prevención nos centros sanitarios, establece que se permitirá "unha visita por paciente" ingresado na UCI que non teñan enfermos de covid-19, seguindo as medidas que xa operaban antes da pandemia. Así mesmo, a orde continúa establecendo que só se permitirá a presenza dun acompañante por usuario en centros sanitarios no caso de menores, maiores dependentes ou mulleres embarazadas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.