Malestar na Xunta polo acordo de cotas acadado entre a UE e Reino Unido en base a criterios científicos

A conselleira do Mar, Rosa Quintana, lamenta que o acordo provisional de cotas pesqueiras en augas compartidas con Reino Unido non teñan en conta os aspectos socioeconómicos.
Así se pronunciou a conselleira tras asistir ao Consello de Ministros de Pesca da Unión Europa.

Aínda que ve "positivo" que se poida pescar ata o 31 de xullo, avisa de que hai que ser "cautos" sobre as posibilidades de pesca para o global do ano, pois polo momento "só teñen en conta os criterios científicos".

Os ministros de Pesca da Unión Europea chegaron este martes a un acordo para prorrogar ata o 31 de xullo deste ano as posibilidades de pesca provisionais dos 'stocks' compartidos con Reino Unido á espera dun acordo coas autoridades británicas para fixar as cotas definitivas que podería chegar nas próximas dúas semanas.

Por iso, de cara ao acordo definitivo con Reino Unido, Galicia defenderá que a Comisión Europea teña en conta manter o equilibrio entre os aspectos ambientais, económicos e sociais, pois opina que tan só se priman os aspectos científicos.

Unha cuestión que supón, polo momento, un axuste nas principais especies de interese galego como pescada, galo, caballa e bacaladilla.

Por iso, o Goberno galego tende a man ao Ministerio de Pesca para traballar nunha liña estratéxica de defensa do sector na recta final da negociación entre a UE e o Reino Unido.