A Xunta lanza unha emisión de bonos sustentables por 50 millóns de euros

Por E.P. | SANTIAGO DE COMPOSTELA | 25/03/2021 | Actualizada ás 12:24

Comparte esta noticia

O Goberno galego activa unha emisión de bonos sustentables por un importe de 50 millóns de euros, segundo publica este xoves o Diario Oficial de Galicia (DOG).

A orde sinala que supón un novo tramo (tramo 2) da débeda pública sustentable de 500 millóns emitida en outubro de 2020. A entidade colocadora desta emisión é HSBC France.

Segundo explicou no seu día a Consellería de Facenda, estes bonos están orientados aos investimentos sociais e ambientais, á economía verde e a obxectivos da Axenda 2030.

A comezos deste mes de marzo, o Consello de Ministros autorizou a Galicia a formalizar operacións de débeda a longo prazo por un máximo de 1.828,4 millóns de euros. Deste importe, a súa maior parte, 1.572,3 millóns, destinarase a financiar os vencementos de débeda que non suporán un aumento do endebedamento da comunidade.

Fotos Xunta / Facenda / Comisión 3. Xunta de Galicia / Europa Press
Fotos Xunta / Facenda / Comisión 3. Xunta de Galicia / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta