A Delegación do Goberno apura ás empresas galegas para aproveitaren os fondos europeos de recuperación

O delegado do Goberno en Galicia, Javier Losada, animou este xoves ao sector empresarial galego a optar aos 9.147 millóns de euros de fondos europeos que o Executivo destinará á modernización e dixitalización do tecido industrial e das pemes, recuperación do turismo e impulso ao emprendimiento, cuxas convocatorias se prevén para este semestre.

Son, apuntou, as previsións que o Goberno incluíu no Plan de Recuperación, Transformación e Resiliencia, que será remitido en próximas datas á Unión Europea para a súa aprobación e que posibilitará a liberalización dos primeiros fondos.

En concreto, a política industrial contará con 2.853 millóns de euros; o capítulo de Pemes disporá de 2.894 millóns de euros e a modernización de turismo contará con 3.400 millóns de euros, "ao que haberá que suma o que consignen os Orzamentos Xerais do Estado", engadiu o delegado.

Javier Losada reuniuse este xoves por videoconferencia con responsables das Confederacións de Empresarios e Cámaras de Comercio do catro provincias galegas, co obxectivo de informarlles sobre o avance nos mecanismos que permitirán a execución dos Fondos Europeos Next Generation UE, que prevén mobilizar en España 140.000 millóns de euros desde este ano e ata 2026.

Na súa intervención, Javier Losada insistiu en que a iniciativa privada será "decisiva" para que "a maior capacidade investidora na historia de España e de Galicia", como a definiu, xere as transformacións sobre a economía, a produción e a xestión pública que se pretenden alcanzar.

Ante os empresarios, reiterou o compromiso do Goberno de España coa xestión "eficaz e transparente" dos Fondos de Recuperación e advertiu da necesidade de ser "áxiles e estritos" no cumprimento dos requisitos europeos. "Os fondos están suxeitos ao estrito cumprimento de fitos lexislativos e obxectivos dos investimentos por parte de todos os implicados: administracións públicas, particulares e empresas", dixo Losada, ao que engadiu que "se alguén falla, ponse en risco os recursos para todos".

Sobre as manifestacións de interese que se están realizando, Javier Losada apuntou que non xeran dereitos preferentes: "non hai ningún proxecto aprobado". Lembrou que todos os proxectos teranse que presentar ás convocatorias públicas dos ministerios. Ademais, o Goberno conciliará este mecanismo de concorrencia competitiva coa cohesión territorial para evitar que os proxectos se poidan concentrar nunha zona.

O delegado adiantou que as convocatorias se farán no primeiro semestre e que boa parte do éxito das mesmas dependerá da colaboración na xestión e o cumprimento das administracións: "se temos éxito seremos capaces de construír unha Galicia máis social, máis ecolóxica, máis dixital, máis cohesionada, unha Galicia mellor", concluíu.

O delegado do Goberno en Galicia, Javier Losada. DELEGACIÓN DO GOBERNO EN GALICIA