UU.AA.: "Galicia ten o dobre de lobos de toda Francia"

O secretario xeral de Unións Agrarias, Roberto García, cualificou de "frivolidade" a inclusión do lobo na lista de especies de protección especial e suxeriu que "se busque unha solución ou que o seu responsable dimita", en alusión á ministra para a Transición Ecolóxica e o Reto Demográfico, Teresa Ribera.

A este respecto, García asegurou que se trata de "unha auténtica frivolidade" que "alguén, sen facer o reconto do lobo, diga que segue crecendo". Así, criticou que non se valorase que o actual plan "permitía que crecese de forma substancial" e destacou que os datos apuntan que "Galicia ten o dobre de lobos de toda Francia".

Ademais, afirmou que "son os gandeiros os únicos" que apostan por esta especie "porque todos os anos danlles (en Galicia) dous mil cabezas para que se alimenten" e criticou que os que tiveron accidentes o ano pasado "aínda non cobraron" as indemnizacións "un ano despois".

"Nós non queremos organizar batidas", explicou o dirixente agrario, que apuntou que "en Galicia non existe a caza do lobo porque no últimos once anos só se matou a un". Así as cousas, Roberto García defendeu que "se faga unha análise clara" e preguntouse "quen vai ser o pague todo isto" se se busca que "haxa máis" animais.

"Que facemos cando unha explotación semana a semana ve que queda sen animais? Todo este debate está feito desde a frivolidade política. Tense que retirar a lei (que protexe ao lobo)", resolveu o secretario xeral de Unións Agrarias, que chamou a que "se busque unha solución ou o seu responsable dimita".

Lobo Ibérico | Fonte: ANA RETAMERO PARA WWF.