Por E.P. | SANTIAGO DE COMPOSTELA | 26/03/2021 | Actualizada ás 18:17
O conselleiro de Cultura, Educación e Universidade, Román Rodríguez, reuniuse este venres coa Xunta Autonómica de Directores para detallarlles algúns dos eixos do chamado 'Plan de Nova Arquitectura Pedagóxica', destinado á reforma e adaptación dos espazos educativos.
No marco deste plan, os centros contarán con polos creativos vinculados á estratexia de ensino dixital co fin de fomentar as competencias 'STEM' e as vocacións científicas, tecnolóxicas e creativas.
A iniciativa tomará como referencia a experiencia piloto dos 'Espazos Maker', desenvolvida nunha vintena de centros, e estenderase á totalidade da rede pública da Consellería.
A maiores, o plan incluirá a dotación de recursos de intelixencia artificial, robótica, domótica, procesado audiovisual, mecanizado, electromecánica, entre outros, e parte dun novo concepto de aula polivalente e multifuncional, ademais dos espazos físicos.
Entre outros temas, abordouse a nova macroenquisa de convivencia que levará a cabo entre a comunidade educativa e a extensión de vixencia de libros de texto de 4º e 6º de Primaria e de 1º e 3º de ESO.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.