Por E.P. | SANTIAGO DE COMPOSTELA | 31/03/2021 | Actualizada ás 20:03
Eixo Atlántico solicitou o compromiso das autoridades portuguesas para a conexión Galicia-Portugal, nunha reunión este martes en Lisboa da que informa o ente a través dun comunicado. Na nota, asegura que o presidente da República Portuguesa, Marcelo Rebelo de Sousa, "puxo en valor a dinámica do Eixo Atlántico en beneficio da eurorrexión e a súa visión para o desenvolvemento deste territorio".
"O tema principal da reunión solicitada polo Eixo Atlántico foi a presentación das prioridades dos investimentos nas conexións ferroviarias con Galicia e co resto de España no chamado corredor atlántico", subliña o Eixo.
Os representantes do Eixo solicitaron ao presidente portugués unha conversa "directa" entre o primeiro ministro de Portugal e o presidente do Goberno de España, co fin de desbloquear "rapidamente" a conexión Vigo-Portugal, "coordinar as accións de ambos países e garantir que o proxecto pode presentarse para a cooperación con financiamento con fondos europeos e rematar así as obras antes de 2030".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.