Accidente múltiple en Cambados con sete feridos, dous deles menores
O sinistro tivo lugar a entrada da vila.
Por Europa Press / Redacción | PONTEVEDRA | 01/04/2021 | Actualizada ás 17:27
Unha colisión múltiple entre catro vehículos, que circulaban pola VG4.3, á altura da rotonda de entrada á localidade de Cambados, saldouse con sete persoas feridas, dous menores de idade.
Segundo informa o 112, o accidente ocorreu pasados poucos minutos das 12,15 horas. A esa hora, varios usuarios da vía contactaban co servciio de emerxencias para informar o sinistro. Segundo a información recibida, un ferido parecía estar atrapado no interior dun dos turismos afectados.
Desde o 112 alertouse aos profesionais sanitarios, axentes de Tráfico, da Policía Local e dos Bombeiros do Salnés, que confirmaron o uso do material de excarceración para liberar ao condutor dun dos turismos. Tamén, os Bombeiros e a voluntarios Protección Civil de Vilagarcía participaron no operativo.
Unha vez no punto, os servizos de emerxencias confirmaron o traslado do sete feridos ao respectivo centro sanitario de referencia. En concreto, segundo informa Urxencias Sanitarias, que desprazou ao lugar catro ambulancias asistenciais, unha das feridas, unha muller de 31 anos, de iniciais E.C., foi trasladada ao Hospital Montecelo.
Ao do Salnés, levou a un home de 53 anos, de iniciais M.D.L. e aos dous menores, mentres que ao Domínguez-Quirón foron trasladados un mozo de 18 anos, M.M.A., e dúas mulleres, unha de 37 anos, G.L.R., e outra de 80 anos, M.G.C.
