Así serán as temperaturas este venres
Baixan os termómetros e haberá chuvascos treboentos en toda Galicia.
Por Europa Press / Redacción | SANTIAGO DE COMPOSTELA | 01/04/2021 | Actualizada ás 21:00
Este venres persistirá certa inestabilidade atmosférica en Galicia polo que non se esperan cambios significativos na situación meteorolóxica. Segundo a información publicada por Meteogalicia, dependente da Consellería de Medio Ambiente, os ceos estarán parcialmente cubertos, con chuvascos ocasionalmente treboentos, máis probables no sur.
As temperaturas registrán un descenso, máis acusado os valores mínimos. Mentres, os ventos soprarán frouxos, variables pola mañá, tomando compoñente norte pola tarde.
En relación ás temperaturas, as mínimas situaranse entre os sete e nove graos de Lugo e Santiago aos 10 previstos de mínima en Ourense e os 11 de Vigo, Ferrol e Pontevedra. Na Coruña será de 12 graos. As máximas prevense en Ourense, con 22 graos; seguida de Lugo, con 20 e en Vigo, Pontevedra e Ferrol, con 19 graos. En Santiago, a máxima será de 18 e na Coruña de 17.
