G. Caballero insiste en retomar a reforma do Estatuto unha vez superada a crise da covid

O secretario xeral do PSdeG, Gonzalo Caballero, volveu a incidir este luns en que, unha vez superada a crise da covid, deberase estudar a reforma e actualización do Estatuto de Autonomía de Galicia. "Neste momento, a prioridade dos socialistas é facer as mellores políticas para saír da crise, pero, unha vez superada, deberase estudar a reforma, actualización mellora do Estatuto", manifestou nunha rolda de prensa ofrecida este luns na Cámara galega.

Gonzalo Caballero, que lembrou que a súa formación celebrou o pasado sábado os 40 anos deste texto --que se celebran este martes, día 6 de abril--, puxo en valor este "elemento case constitucional" que debe mellorarse de cara ao futuro."Cremos nunha España plural, no Estado das autonomías e propomos, de cara ao futuro, abrir a reforma do estatuto cando se supere a crise", incidiu o socialista.

Ademais, o secretario xeral dos socialistas galegos avanzou que a súa formación participará o martes no acto organizado na Cámara galega para conmemorar os 40 anos do texto, un evento no que se concederá as medallas do Parlamento de Galicia á Xeración Nós.

O secretario xeral do PSdeG, Gonzalo Caballero, en ródaa prensa. PSDEG | Fonte: Europa Press