Galicia rexistra outros cinco falecidos con covid tras días sen casos

As autoridades sanitarias informaron este luns de cinco novos falecidos pola covid-19 rexistrados desde o pasado venres e que elevan a 2.357 o total de vítimas da pandemia na comunidade galega. Todos presentaban patoloxías previas,

Dous deles faleceron o día 2 de abril, en concreto dúas mulleres de 92 e 86 anos que se atopaban ingresadas no Complexo Hospitalario de Santiago e no Ferrol, respectivamente.

Outro deles rexistrouse o sábado, un home de 88 no Vithas Fátima de Vigo, mentres que o resto producíronse este mesmo luns no Complexo Hospitalario da Coruña, unha muller de 85 anos e un home de 87.

Sanitarios nunha ambulancia trasladando a pacientes covid dunha residencia a un hospital | Fonte: Santi Alvite.