O paro descende en 4.509 persoas en marzo en Galicia, un 2,43%
Son 6.283 máis dos que había hai un ano, cando comezou a pandemia.
Por Europa Press / Redacción | SANTIAGO DE COMPOSTELA | 06/04/2021 | Actualizada ás 10:08
O número de parados rexistrados nas oficinas dos servizos públicos de emprego (antigo Inem) descendeu en 4.509 persoas en marzo en Galicia en relación co mes anterior, o que supón unha diminución do 2,43%, superior á da media (-1,5%), segundo os datos que publica este martes o Ministerio de Traballo.
Deste xeito, o desemprego situouse na comunidade galega en 180.719, que, en calquera caso, son 6.238 máis que os que había no mesmo mes de 2020, que foi cando comezou a pandemia do coronavirus. Por iso, o aumento con respecto a hai un ano é do 3,58%.
No conxunto estatal, o paro baixou en 59.149 desempregados en marzo (-1,5%), o seu maior retroceso neste mes desde o ano 2015, cando descendeu en 60.214 persoas. Traballo destaca que se trata do terceiro mellor dato dentro da serie histórica do mes de marzo.
