Por Europa Press / Redacción | SANTIAGO DE COMPOSTELA | 06/04/2021 | Actualizada ás 10:30
O número de traballadores en expedientes de regulación temporal de emprego (ERTE) pechou o mes de marzo en Galicia en 34.759 persoas, o que supón 11.906 menos que en febreiro, segundo os datos que publica este martes o Ministerio de Inclusión, Seguridade Social e Migracións.
No conxunto estatal, os traballadores en ERTE situáronse en 743.628 persoas ao termo do terceiro mes do ano, co que son 115.913 menos que en febreiro na serie revisada e 155.913 menos en función da data de notificación.
Por provincias, os 34.759 traballadores en ERTE na comunidade repártense entre os 16.031 da Coruña, 11.289 en Pontevedra, 3.808 en Lugo e 3.631 en Ourense.
Ao finalizar marzo había máis mulleres (20.365) que homes (14.394) en ERTE e a repartición en global era o seguinte: 2.867 en expedientes sen ser de forza maior, 5.956 de forza maior e 25.936 acollidos ao real decreto lei 30/2020 e posteriores.
DATOS ESTATAIS
No conxunto estatal, o número de traballadores en expedientes de regulación temporal de emprego (ERTE) pechou o mes de marzo en 743.628 persoas, o que supón 115.913 traballadores menos que en febreiro na serie revisada (-13,5%) e 155.755 menos (-17,3%) en función da data de notificación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.