“Será unha honra exercer de embaixador dos viños de Valdeorras polo mundo”, Lucas Mondelo
O seleccionador español de baloncesto feminino, con orixes na comarca de Valdeorras, visitou a sede do Consello Regulador e recibiu esta encarga do presidente, José Luis García Pando.
Por X.M. Fernández | Vilamartín de Valdeorras | 07/04/2021 | Actualizada ás 09:30
Lucas Mondelo, aínda que naceu en Barcelona, ten raíces e presume de valdeorrés por alí por onde vai. Na súa visita á sede do Concello Regulador da D.O. Valdeorras asegurou que “os brancos, e tamén os tintos, de Valdeorras posúen cada vez máis calidade”.
O presidente da entidade, José Luis García Pando, trasladou os seus parabéns a Mondelo polos seus “magníficos logros deportivos” e díxolle que “sabendo que sempre presumes de valdeorrés, para nós é un orgullo nomearte embaixador dos nosos viños”.
Mondelo recolleu a encarga e asegurou que “será unha honra exercer de embaixador dos viños de Valdeorras polo mundo”. Engadiu que cada ano descobre “novas adegas na zona que o sorprenden cada vez máis” e enfatizou non só “na calidade do godello”, senón tamén “na doutras variedades autóctonas da nosa comarca”.
PALMARÉS COMO SELECCIONADOR
A selección femenina española de baloncesto, sendo adestrada por Lucas Mondelo, foi subcampiona olímpica (2016) e subcampiona mundial (2014), ademais, de gañar tres campionatos de Europa (2013, 2017 e 2019) . A nivel de clubes, entre outros moitos títulos, conseguir dúas veces a máxima competición europea, a Euroliga, que levantou en 2011 co Perfumerías Avenida de Salamanca e en 2017 co Dynamo Kursk ruso.
