Por Europa Press / Redacción | Santiago de Compostela | 06/04/2021 | Actualizada ás 14:57
O verán e o avance da vacinación, son os dous puntos nos que deposita as súas esperanzas o sector da hostalaría galega despois dunha Semana Santa que, aínda que se asumiu como perdida, deixou uns datos de ocupación e de actividade "moi baixos".
De acordo con cifras do Clúster Turismo de Galicia, os aloxamentos contaron cunha ocupación de entre o 55% e o 65%. No entanto, o seu presidente, Cesáreo Pardal, advirte que o dato real é bastante menor, xa que se calcula sobre os establecementos que realmente abriron, arredor do 20% do total.
"Antes de Semana Santa, desde o Clúster insistiuse en que isto ía suceder", recalca, debido aos peches perimetrales autonómicos e ás limitacións impostas á actividade como consecuencia da pandemia.
Non en balde, Pardal destaca a "responsabilidade" asumida polo sector para "contribuír" na mitigación da pandemia para poder lograr "unha recuperación o máis rápida posible" de cara ao verán. Con ese obxectivo, pon deberes ás administracións públicas para que "asuman" a xestión da campaña de vacinación contra a covid-19.
Isto será "esencial" para alcanzar "a máxima normalidade posible" na época estival xa non só por unha cuestión de seguridade sanitaria, senón tamén por "o propio ánimo da xente" a moverse.
Ademais da distribución das vacinas, o sector reitera a necesidade de que, cando as administracións "esixen unha responsabilidade extra" como é o peche total da actividade --a última vez en Galicia, ao longo de todo o mes de febreiro--, débese "compensar economicamente con axudas directas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.