31 denuncias por non levar máscara en Sanxenxo durante a Semana Santa

A Policía Local de Sanxenxo formulou un total de 31 denuncias durante a Semana Santa por infraccións relacionadas coa obrigatoriedade de usar máscara. Así figura no balance das datas festivas que realiza o consistorio pontevedrés, que apunta tamén á existencia doutras nove denuncias por desacatado á autoridade.

Con todo, o goberno local destaca como "tónica xeral" o "bo comportamento" durante as xornadas festivas, nas que os datos de recollida de lixo e consumo de auga "confirman o tirón" da localidade do Salnés.

Por outra banda, a policía municipal de Santiago detectou na xornada do luns tres festas en pisos e formulou unha proposta para sanción durante as tarefas de control do cumprimento das medidas para os negocios de hostalaría.